人奶好 奶粉亦無罪

10年多前有一家人來門診調理。嬰兒兩個多月大，健康有力，父母面色尚可，婆婆則明顯黑面。
婆婆指着女兒說：「佢哋唔俾奶粉阿B食，搞到佢瘦猛猛、面青青，睇下幾黃，人奶唔夠營養㗎！」
我仔細看嬰兒和其體重生長線等數值：「BB好健康，面色幾好。」
接着兩母女就爭拗差不多10分鐘，婆婆彈出了一句：「你啲奶有『DHA』、『ARA』咩？」
最後女兒夠強硬，堅持母乳餵養！

10年過去，這家人依然來我門診，一家健康。
數周前婆婆跟一些茶友等開診時閒聊。
婆婆：「梗係人奶好，我幾個孫同兩個女都係飲人奶大，不知幾健康。」
另外一位婆婆：「我新抱下個月返工話轉餵奶粉呀 。」
婆婆：「嘩？唔得（高聲）？食咗奶粉會‧‧‧（下拆n字）」

同一人，10年前後立場完全改變，但邏輯和做事方法大致相同！

人奶當然好，但奶粉也有它的存在意義
近年政府推行母乳餵哺，人奶媽受到的精神攻擊減少，但人奶道路仍然艱難。天有不測之風雲，人有霎時之禍福，嬰兒可以一夜間飲多一倍奶，媽媽一個感冒，甚至發一次脾氣，富媽媽亦可變成窮媽媽。追奶不及，實屬常事，盡力就可以，補一點奶粉也沒有問題；埋身、瓶餵、補奶粉都是好媽媽，只要照顧恰當，BB同樣健康！

人奶媽可以食中藥
古代衛生條件差，生活質素一般，飲食不足，奶量不足一旦出現，唯有依靠杏奶、米奶、豆奶，另服中藥亦能改善奶量和奶質。若有腰痛、感冒、頭暈等病痛，只要看診時先告訴醫師正餵哺母乳，醫師在用藥上會有安排，治病之餘可繼續哺乳。

撰文：註冊中醫師陳俊傑